நரை முடி பற்றி பிரபலமான கட்டுக்கதைகள்

வெகுசிலர் மட்டுமே, நரை முடியை இயல்பாக எடுத்துக் கொள்ளும் மனநிலையில் உள்ளனர். சால்ட் அண்ட் பெப்பர் என்பது தற்போதைய ஸ்டைலாக இருந்தாலும், இதனை வரவேற்கும் நபர்களின் எண்ணிக்கை மிகவும் குறைவு. 

இத்தகைய நரைமுடி குறித்து பல்வேறு கட்டுக்கதைகள் இருந்தவண்ணம் உள்ளன. இவற்றுள் பலவற்றில் உண்மை இல்லை. இந்த வகை கட்டுக்கதைகள் பற்றிய உண்மையை நாம் தெரிந்து கொள்வதால், நரைமுடி குறித்த அச்சம் தவிர்க்கப்படலாம். மேலும் இளநரையைத் தடுக்க உங்களைத் தயார் செய்துக் கொள்ள முடியும் 

ஆகவே வாருங்கள் நரைமுடி குறித்த கட்டுக்கதைகள் சிலவற்றை நாம் அறிந்துக்கொள்வோம்!

கட்டுக்கதை எண் 1: நீங்கள் ஒரு நரை முடியைப் பறித்தால், அது பெருக்கப்படுகிறது:

நரைமுடி குறித்த ஒரு பிரபலமான கட்டுக்கதை இதுவாகும். நம்மில் பலர் கண்ணாடி முன் நின்றுக்கொண்டு இருக்கும்போது,  தலையில் ஒரு நரைமுடி தென்பட்டால் அதனைப் பறிப்பதா, வேண்டாமா என்று பலமணிநேரம் குழப்பத்தில் தவித்திருக்கலாம். ஆனால் இனிமேல் இதுபோல் கவலைப்பட வேண்டாம். நரைமுடியைப் பறிப்பதால் அதன் எண்ணிக்கை அதிகரிப்பதில்லை. அதேசமயம், நரைமுடியைப் பறிப்பது என்பது ஒரு சரியான தீர்வும் இல்லை.  நீங்கள் தலைமுடியை மட்டுமே பறிக்கமுடியும். அதன் வேர்க்கால் உச்சந்தலையில் இருக்கத்தான் செய்யும். இதனால் மீண்டும் அந்த இடத்தில் நரைமுடி தோன்றும். ஒருவேளை அந்த முடியின் வேர்க்காலில் பாதிப்பு இருந்தால், அந்த இடத்தில் மீண்டும் முடி வளர்ச்சி இருக்காது.

கட்டுக்கதை எண் 2. முடியை கலரிங் செய்வது  நரை முடியை ஏற்படுத்தும்:

இது மீண்டும் ஒரு கட்டுக்கதை மட்டுமே. தலைமுடியின் நிறத்தை மாற்றுவதால் நரைமுடி தோன்றுவதில்லை. ஆனால், இது தலைமுடி சாயங்களில் பயன்படுத்தப்படும் ரசாயனங்கள் காரணமாக உலர்ந்த, மந்தமான மற்றும் உடையக்கூடிய கூந்தலுக்கு வழிவகுக்கும். கலரிங் செய்யப்பட்ட தலைமுடி பராமரிப்பில் கவனம் தேவை. மேலும் அடிக்கடி தலைமுடியின் நிறத்தை மாற்றுவதால் உங்கள் தலைமுடி சேதமடையலாம்.

கட்டுக்கதை எண் 3. சூரியனுக்கு அதிகப்படியான வெளிப்பாடு நரை முடிக்கு வழிவகுக்கும்:

சூரிய ஒளி நரைமுடிக்கு ஒருபோதும் காரணமாக இருப்பதில்லை. பொதுவாக சூரிய ஒளியில் அதிகம் வெளிப்படுவதால் உங்கள் சருமம் மற்றும் கூந்தல் பாதிக்கப்படலாம். ஆனால் உங்கள் தலைமுடியின் நிறம் சூரிய ஒளியால் மாறுவதில்லை. தலைமுடி பாதிக்கப்படுவதற்கு சூரிய ஒளியும் ஒரு காரணியாக இருக்கலாமே தவிர உங்கள் நரைமுடிக்கு சூரிய ஒளி காரணமில்லை. இருப்பினும், ஏற்கனவே உங்களுக்கு நரை முடி இருந்தால், கூந்தலில் மெலனின் இல்லாததால் முடி சேதமடையும் வாய்ப்பு அதிகம் உள்ளது.

கட்டுக்கதை  எண் 4. மன அழுத்தம் நரை முடிக்கு காரணமாகிறது:

மன அழுத்தத்தால்  தலைமுடியை நரைக்கின்றன என்று மக்கள் சொல்வதை நீங்கள் கேள்விப்பட்டிருப்பீர்கள். உண்மை என்னவென்றால், மன அழுத்தத்தால் முடியின் நிறமியை அகற்ற முடியாது. இது முடி உதிர்தலுக்கு வழிவகுக்கும், ஆனால் நிறமாற்றத்திற்கு  அல்ல. சாத்தியமான விஷயம் என்னவென்றால், நீங்கள் மன அழுத்தத்தில் இருக்கும்போது நீங்கள் இணைத்துக்கொள்ளும் தவறான பழக்கவழக்கங்கள் நரை முடிக்கு பங்களிக்கின்றன.

கட்டுக்கதை  எண் 5: ஒரே நாள் இரவில் நரைமுடி தோன்றுகிறது:

இது இயலாத காரியம். ஒரு நாள் இரவு படுத்து உறங்கி  மறுநாள் விழித்ததும் தலையில் ஒரு நரைமுடி தோன்றிவிட்டது என்பது போன்ற பல கட்டுக்கதைகள் உண்டு. ஒரே நாளில் உங்கள் தலைமுடி அதன் கருமை நிறத்தை  இழப்பதில்லை. ஒவ்வொரு தலைமுடியும் அதன் நிறமியை இழக்க சில காலம் எடுத்துக்கொள்கிறது.  ஒரே இரவில் இது சாத்தியப்படுவதில்லை.

கட்டுக்கதை 6. உங்கள் தலைமுடி நரைப்பதில் உங்கள் வாழ்க்கை முறைக்கு எந்தப் பங்கும் இல்லை:

இது உண்மை இல்லை. உங்கள் தலைமுடியின் தரம் மற்றும் அமைப்பைத்  தீர்மானிப்பதில் உங்கள் வாழ்க்கை முறைக்கு பெரும் பங்கு உண்டு. முடி நரைக்கும் செயல்முறையை நீங்கள் மாற்றியமைக்க முடியும் என்றாலும், முன்கூட்டியே முடி நரைப்பதை நீங்கள் நிச்சயமாக தடுக்கலாம். உங்கள் தலைமுடிக்கு சில அத்தியாவசிய வைட்டமின்கள் மற்றும் ஊட்டச்சத்துக்கள் தேவைப்படுகின்றன, மேலும் அவை இல்லாததால் முடி இழைகள் நிறமியை இழக்கக்கூடும். புகைபிடித்தல், குடிப்பது போன்ற கெட்ட பழக்கங்களும் நரை முடிக்கு வழிவகுக்கும்.

கட்டுக்கதை 7. வயதானவர்களுக்கு மட்டுமே நரை முடி தோன்றும்:

துரதிர்ஷ்டவசமாக, இது உண்மை இல்லை. நரைமுடி வயதானவர்களுக்கு மட்டும் தோன்றுவதில்லை.  20 வயதில் பலர் நரை முடியுடன் போராடுவதை நீங்கள் காண்பீர்கள். மரபியல் கூட அதற்கு ஒரு காரணமாக இருக்கலாம். உங்கள் பெற்றோரின் வாழ்க்கையின் இளம்வயதில் நரை முடி இருந்தால், உங்களுக்கும் இளம்வயதில் நரைமுடி உண்டாவதற்கான வாய்ப்பு உண்டு. மேலே விவாதிக்கப்பட்டபடி உங்கள் வாழ்க்கை முறை மற்றொரு காரணம்.

கட்டுக்கதை எண் 8. நரை முடிக்கு கலரிங் செய்வது  எளிது:

முடி வெள்ளையாக இருப்பதால் அதை எளிதாக வண்ணமயமாக்க முடியும் என்று அர்த்தமல்ல. உண்மையில், நரை முடி சாதாரண முடியைப் போல்  நிறத்தை உறிஞ்சாது. நரை முடியில் புரதத்தின் இழப்பு,  முடியை மந்தமாகவும், உடையக்கூடியதாகவும், பலவீனமாகவும் ஆக்குகிறது. எனவே, அதை கலரிங் செய்வது  கடினம்.

கட்டுக்கதை எண் 9. நரை முடி ஒப்பீட்டளவில் கரடுமுரடானது:

அது அப்படித் தோன்றினாலும், அது உண்மையில் பொய்யானது. மெலனின் மற்றும் புரதங்களின் இழப்பு காரணமாக நரை முடி உலர்ந்ததாகவும் உடையக்கூடியதாகவும் இருக்கலாம், ஆனால் இது சாதாரண முடியை விட கரடுமுரடானது அல்ல.